JULIA

I.

JULIA

Aug. filia, ex Scribonia, parum secundae famae, adeo ut ob frequentia adulteria a patre sit in ins. Pandatariam, dein Rhegium relegata. Uxor primo Marcello, dein Agrippae data, ex illo trium filiorum, totidemque filiarum mater: Tertio Tiberio nupsit, quem cum velut indignum sprevislet, ab illo postmodum Imp. in tantas miserias redacta est, ut infamis et exul fame perierit. Suet. in Aug. c. 64. et 69. et Tib. c. 1. et XI. Tac. Ann. l. 1. c. 53.

II.

JULIA

Script. Ger. Giuliers, regio Germ. inf. Ducatûs titulo insignis, inter Coloiam Agrippinam et Traiectum ad Mosam, sub qua Exfalia regio ad Mer. magna ex parte continetur, ad Bor. Geldriae contermina. In ea Iuliacum urbs primaria. Vide Iudliacum et Iuliacensis Ducatus.

III.

JULIA

filia Agrippae ex priore, neptis Aug. iisdem cum matre moribus. Nupsit Aemilio Lepido, ex illo duorum liberorum mater. Ab Avo in Ins. Trimeram Apuliae relegata, ibi per An. 20. vixit, sustentata a Livia Imp. quae Aug. fam. florentem persecuta, oppressam solari solita est. Tac. Ann. l. 4. c. 71. Suet. Aug. c. 101.

IV.

JULIA

neptis Tiberii. Item filia Titi, quam Domitianus marito erepiam gravidam reddidit, dein ut fetum abigeret, coegit, unde Mortua est.

V.

JULIA

quae Plin. l. 3. c. 1. et Antonino Fidentia s. Fidentiola, hodie Bergo di S. Domnino, urbs Galliae Togatae, inter Placentiam 20. et Parmam 15. mill. pass. quae diu sine sede Episcopali fuit, nostrâ tempestate ei restituta, sub Archiep. Bononiensi. Ferr. Baudr. urbs est oblonga, sub dominio Ducis Parmae, in regiuncula Status Buxeti dicta. 15. milliaribus distat a Cremona in Mer. Ibi sanctus Domninus martyrio Occubuit A. C. 303. teste Baronio.

VI.

JULIA

quae erat Caracallae noverca, nupta Severo, eiusdem etiam uxor fuit. Nam cum eslet pulcherrima, et quasi per negligentiam se maximâ corporis parte nudâslet, dixit Caracalla, Vellem, si liceret: at respondit haec, si libet, licet, an nescis te Imperatorem esse, et leges dare, non accipere? Tunc nuptias celebrat, eique copulatur, in cuius gremio eiusdem fil. Getam nuper confoderat. Ael. Spartian.

VII.

JULIA

urbs Italiae, a Daedalo condita, Steph.

VIII.

JULIA

vulgo Geyl, teste Merc. fluv. Norici, per agrum Salisburgensem decurrens. In Thes. Ling. Lat. opp. Norici nominatur: cum apud Plin. Iulia opp. sit Galliae Togatae.